काठमाडौं । प्रेस काउन्सिल नेपालले आचारसंहिताविपरीत कार्टुन प्रकाशित गरेको भन्दै नागरिक दैनिकसँग २४ घण्टे स्पष्टीकरण सोधेको छ ।

नागरिक दैनिकमा बिहीबार पूर्वप्रधानमन्त्री एवं नेकपा एमालेका अध्यक्ष केपी शर्मा ओलीलाई लक्षित गर्दै होच्याउने र तथ्यहीन सामाग्रीमार्फत व्यंग्यसहितको कार्टुन प्रकाशित भएको थियो ।
काउन्सिलले काटेको पत्रमा तथ्यहीन सामाग्री राखेर होच्याउने, दूर्भावना राख्ने जस्ता काम गर्नुको कारण सोधिएको छ ।

पत्रमा कुनै राजनीतिक दल तथा उम्मेदवारलाई लक्षित गरी आचारसंहिता प्रतिकूल कार्टुन के कसरी सम्प्रेषण भएको हो रु यस्ता सामाग्रीले कुनै दल विशेषको नेतालाई चुनावका बेला होच्याउने वा दूर्भावना राख्ने काम गर्छ कि गर्दैन रु २४ घण्टाभित्र जवाफ पेस गर्न भनिएको छ ।

पत्र बिहीवारै पठाइएको काउन्सिल स्रोतले जानकारी दियो ।

क्याटेगोरी : समाचार
ट्याग : #hot, #ओलीको कार्टुनबारे नागरिक दैनिकलाई प्रेस काउन्सिलको २४ घण्टे स्पष्टीकरण, #प्रेस काउन्सिल नेपाल

---

---

---