Techie IT
शनिबार, असार ३०,२०८१

गोरखाको अश्राङमा २ छोरा सहित बाबु झुण्डिएको अवस्थामा फेला


 

गोरखाको भिमसेन थापा गाउँपालिका ६ अश्राङमा मोहरियमा दुई छोरा सहित बाबु झुण्डिएको अवस्थामा फेला परेका छन् ।

७ वर्षका दुई जुम्ल्याहा छोरा शिशिर र बसन्त सहित ३४ वर्षिय हेमबहादुर राना झुण्डिएको अवस्थामा शनिवार बिहान भेटिएका जिल्ला प्रहरी कार्यालय गोरखाका एसपी केदार खनालले बताए ।

घर भन्दा करिब डेढ किलोमिटर पर काप्रोको रुखमा शव भेटिएको हो । ‘काप्रोको रुखको एउटै हाँगोमा दुई छोरा र बाबुको शव भेटिएको छ’ एसपी खनालले भने ‘छोराहरुको शव एउटै डोरी र बाबुको सलको पासो लगाएको अवस्थामा भेटिएको छ ।’ शव पोष्र्टमाटमकालागि गोरखा अस्पताल ल्याइएको छ ।

शनिवार बिहान दुई छोरा सहित हेमबहादुर घरबाट निस्किएका थिए । हेमबहादुर रोजगारीकालागि भारत थिए ।

केही समयअघि उनी घर फर्किएको र श्रीमती सँग सम्बन्ध बिच्छेद भएको थियो । श्रीमान श्रीमती बिच घरायशि बिवाद बढेपछि जिल्ला प्रहरी कार्यालयमा दुबैलाई मिलाउन छलफल समेत भएको प्रहरीले जनाएको छ ।

अन्ततः उनीहरु सम्बन्ध बिच्छेदको अवस्थामा पुगेका थिए । पारिवारिक कलहका कारण घटना भएको हुन सक्ने अनुमान प्रहरीको छ ।


क्याटेगोरी : समाचार, स्थानीय
ट्याग : #breaking


तपाईको कमेन्ट लेख्नुहोस्


Kathmandu
24°
Drizzle
5:16 am7:02 pm +0545