Techie IT
शुक्रबार, साउन ४,२०८१

 कैलालीमा छुट्टाछुट्टै स्थानमा दुई जना मृत भेट्टिए


कैलाली । कैलालीमा आज दुई जना छुट्टाछुट्टै स्थानमा मृत अवस्थामा भेट्टिएका छन् ।

गोदावरी नगरपालिका वडा नम्बर १२ को शान्तिनगर र धनगढी उपमहानगरपालिका वडा नम्बर १ मा गरी दुई जना मृत अवस्थामा भेट्टिएका प्रहरीले जनाएको छ ।

गोदावरी १२ को शान्तिनगरमा २५ वर्षीय मदन बडेला र धनगढी उपमहानगरपालिका १ को कैलाली कारागार पछाडि कञ्चनपुरको कृष्ण नगरपालिका नगरपालिका वडा नम्बर ८ का ७४ वर्षीय धनसिंह जेठारा मृत अवस्थामा भेट्टिएका जिल्ला प्रहरी कार्यालय कैलालीका प्रवक्ता प्रहरी नायव उपरिक्षक वेदप्रकाश जोशीले जानकारी दिनुभयो ।

आज बिहान आफ्नै घरको आँगनमा मृत अवस्थामा भेटिएको बडेलाको टाउको र खुट्टामा चोट लागेकाले हत्या आशङ्कामा अनुसन्धान अघि बढाइएको प्रवक्ता जोशीले बताउनुभयो ।

छोरीको घर आएका जेठारा मङ्गलवार साँझ बाहिर निस्किएका र अबेरसम्म नफर्किएपछि खोजी गर्दै जाँदा आज बिहान मृत अवस्थामा भेट्टिएका र घटनाबारे अनुसन्धान भइरहेको प्रहरीले जनाएको छ ।


क्याटेगोरी : समाचार
ट्याग : #कैलालीमा छुट्टाछुट्टै स्थानमा दुई जना मृत भेट्टिए


तपाईको कमेन्ट लेख्नुहोस्


Kathmandu
23°
Mostly Cloudy
5:20 am6:59 pm +0545