समाचार

टोखामा जुवा तास खेलिरहेका १२ जना पक्राउ

१९ माघ, काठमाडौं । काठमाडौंको टोखास्थित एक होटलमा जुवा तास खेलिरहेका १२ जनालाई प्रहरीले पक्राउ गरेको छ ।

टोखा नगरपालिका वडा नम्बर ९ मिलनटोलस्थित सरस्वती आलेमगरले सन्चालन गरेको होटल हाईवेबाट ११ पुरुष र एक महिलालाई प्रहरीले पक्राउ गरेको हो ।

होटलको कोठा नम्बर २०१ मा जुवा तास तथा कौडा खेल्ने र खेलाउने काम भइरहेको भन्ने सूचनाको आधारमा महानगरीय प्रहरी वृत्त महाराजगञ्जबाट प्रहरी नायव उपरीक्षक फणिन्द्र प्रसाईंको नेतृत्वमा टोली परिचालित भएको थियो । सो टोलीले शुक्रबार राति ११ः४५ बजे २ लाख २० हजार ७०५ नगद, तीन बुक तास र कौडासमेत बरामद गरी १२ जनालाई पक्रेको हो ।

पक्राउ पर्नेहरुमा राजु गुरुङ, अभिषेक तामाङ, सन्त कुमार मोक्तान, तारा कुमार श्रेष्ठ, साजन वि.क., बुद्धराज थेबे, विमल मगर, सनम राई र शान्ति तामाङ छन् । उनीहरुलाई जुवा खेल्न तथा सट्टाबाजी गर्न नहुने कसुर सम्बन्धी मुद्दा अन्तर्गत अनुसन्धान अघि बढाइने प्रहरीले जनाएको छ ।

Facebook Comments
Tags
Show More

Related Articles