रामकोट घटना : किन भयो ५ जनाको सामूहिक आत्महत्या योजना ?

साझा पाना २०७८ फागुन २४ गते १५:०७ मा प्रकाशित

फागुन । काठमाडौंको रामकोटमा एकै परिवारका ५ जनाले सामूहिक आत्महत्याको प्रयास गरेको प्रारम्भिक निष्कर्षमा प्रहरी पुगेको छ । घटनास्थलमा भेटिएको ‘सुसाइड नोट’ मा आत्महत्याको प्रयासको कारण चरम आर्थिक संकट र स्वास्थ्य समस्या रहेको पाइएको प्रहरीको भनाइ छ ।

रामकोटमा सोमबार बेलुका साढे ९ बजे फ्ल्याट भाडामा लिएर बस्दै आएका एकै परिवारका ५ जना बेहोस अवस्थामा भेटिएका थिए । तीमध्ये ३३ वर्षीय सुवर्णमान प्रधानको उपचारका क्रममा मृत्यु भएको छ ।

अन्य ४ जनाको भेन्टिलेटरमा राखेर उपचार भइरहेको काठमाडौं प्रहरी प्रमुख सुदीप गिरीले जानकारी दिए । उपचाररत् ६२ वर्षीय इन्दिरामाया प्रधान, उनका छोरा ३८ वर्षीय भीममान, बुहारी ३५ वर्षीया इन्दिरा र नातिनी ११ वर्षीया सुप्रियाको अवस्था चिन्ताजनक रहेको प्रहरीले जनाएको छ ।

डल उनीहरू फ्ल्याट भाडामा लिएर बस्दै आएका थिए । उनीहरूको कोठामा विषका बट्टाहरू भेटिएका छन् । भीममानले लेखेको सुसाइड नोट करिब १८/१९ पानाको रहेको एसएसपी गिरीले बताए । सुसाइड नोट डायरी जस्तो छ । विभिन्न मितिमा र हिजो पनि लेखेजस्तो देखिन्छ’, गिरीले भने ।

क्याटेगोरी : समाचार
ट्याग : #रामकोट घटना