प्रचण्डसँग रिसाएका नारायणकाजीलाई भेट्न निवासमै पुगे विप्लव

साझा पाना २०७८ फागुन १८ गते ११:११ मा प्रकाशित

फागुन । नेकपाका महासचिव नेत्रविक्रम चन्द विप्लव नेकपा (माओवादी) केन्द्रका वरिष्ठ नेता नारायणकाजी श्रेष्ठलाई भेट्न आज बुधबार बिहान हात्तिवनस्थित उनको निवासमै पुगेका छन् ।

अमेरिकी सहयोग परियोजना (एमसीसी) जबरजस्ती पारित गरेको विषयलाई लिएर नेकपा माओवादी केन्द्रभित्र चरम असन्तुष्टि व्यक्त गरिरहेका नेता श्रेष्ठलाई भेट्न विप्लव उनको निवासमै पुगेका हुन् । एमसीसीको विषयलाई लिएर पार्टी अध्यक्ष पुष्पकमल दाहाल ‘प्रचण्ड’सँग रिसाएका नेता श्रेष्ठ र विप्लवबीचको भेटलाई राजनीतिक वृत्तमा अर्थपूर्ण रुपमा हेरिएको छ ।

एमसीसीबारे श्रेष्ठ र विप्लवको धारणा एकै खालको रहँदै आएको छ । दुवै नेता एमसीसीको विपक्षमा छन् । श्रेष्ठ रिसाएपछि अध्यक्ष प्रचण्डले पनि यसअघि उनकै निवासमा पुगेर छलफल गरेका थिए । तर, प्रचण्डको कुरा श्रेष्ठले चित्त बुझाएका छैनन् ।

क्याटेगोरी : समाचार