राप्रपा महाधिवेशन : मनोनित प्रतिनिधिको सूची सार्वजनिक (सूचीसहित)

साझा पाना २०७८ मंसीर १७ गते १८:५९ मा प्रकाशित

काठमाडौं, १७ मंसिर । राष्ट्रिय प्रजातन्त्र पार्टी (राप्रपा)ले महाधिवेशनका लागि २३५ जना मनोनित महाधिवेशन प्रतिनिधिको सूची सार्वजनिक गरेको छ ।

अध्यक्षहरू कमल थापा, पशुपति शमशेर जबरा र प्रकाशचन्द्र लोहनीको सहमतिमा सूची सार्वजनिक गरिएको बताइएको छ । उक्त सूचीमा विश्ववन्धु थापादेखि पञ्चायतकालका नेताहरु नवराज सुवेदी, हरिबहादुर बस्नेत, नवराज सुवेदी, बालाराम घर्तिमगर, तोरणबहादुर गुरुङदेखि महामन्त्रीको उम्मेदवार रोशन कार्कीसमेत मनोनित सूचीमा छन् ।

राप्रपाको विधानमा ५ प्रतिशत प्रतिनिधि अध्यक्षले मनोनित गर्न सक्ने व्यवस्थाअनुसार २३५ जना मनोनित गरिएको हो । यसअघि हिजो बिहीबार समितिले ४ हजार ४७१ जना प्रतिनिधिको सूची प्रकाशित गरेको थियो । उक्त सूचीमा अब २३५ जना थप हुने छन् । यही प्रतिनिधिले राप्रपाको नेतृत्व चयन गर्ने छन् ।

राप्रपाको नयाँ नेतृत्व चयनका लागि भोलि शनिबार निर्वाचन हुँदैछ ।

हेर्नुहोस् सूची–