Techie IT
शुक्रबार, असार ८,२०८१

खेल क्षेत्रमा अन्र्तराष्ट्रिय चर्चा पाएका विक्रम खड्गीको प्रदेश सचिवमा उम्मेद्वारी


नेपाली काँग्रेसको आसन्न १४ औं महाधिवेशन आउन एक महिना पनि बाँकी नभएका बेला नेतृत्वका लागि सरगर्मी चढेको छ । उस्तै सरगर्मी र नेतृत्वको रस्साकस्सी महाधिवेशन तलका अधिवेशनहरुमा पनि छ । ठिक यसैबेला नेता कार्यकर्ताले सही स्थानमा सही व्यक्ति चयन गर्नसके काँग्रेसलाई बलियो पार्टी बन्नबाट कसैले रोक्न सक्ने छैन ।

यसैकारण नेता कार्यकर्ता चनाखो बन्नुपर्ने आवश्यकता छ । नेपाली काँग्रेसको आगामी भविष्य र नीति निर्माणसंग जोडिएका एक व्यक्ति हुन् विक्रम खड्गी । मंसिर ३ मा हुन गइरहेको अधिवेशनमा प्रदेश सचिवको उम्मेद्वारी दिएका खड्गीले आफुलाई मत दिएर विजयी बनाउन अनुरोध गरेका छन् ।

‘नीति र नेतृत्वमा हाम्रो प्रवेश, सशक्त काँग्रेस–समृद्ध देश’ को नारा दिएर चुनावमा होमिएका उनले काठमाडौं क्षेत्र नं. ६ को प्रदेश ‘ख’ बाट प्रदेश सचिवको उम्मेद्वारी दिएका हुन् । खड्गीले नेपाली काँग्रेसको सक्रिय राजनीतिसंगै खेलकुद क्षेत्रमा समेत योगदान पु¥याएका छन् ।

२०५४ सालमा तेक्वान्दो खेलमा आबद्ध भएका उनी २४ बर्षसम्मको निरन्तरतापछि पनि सक्रिय छन् । योबीचमा काठमाडौ जिल्ला तेक्वान्दो कार्यसमितिमा सदस्य हुँदै सह– सचिव भएका उनी देशको राज्य संरचना अनुसार गठित नेपाल तेक्वान्दो संघ बागमती प्रदेशको सचिवालय सचिवसंगै बोर्ड सदस्य भएर काम गरेका छन् ।

यतिमात्रै होइन, खड्गीले खेलकुद जगतमा मार्सलआर्ट अन्तर्गत नेपालमा पहिलोपटक २०७२ मा तेक्वान्दो खेल सम्बन्धित ‘तेक्वान्दो गाइड बुक’ प्रकाशनमा ल्याएका थिए । त्यसबाहेक बोधिचित्त प्रतिष्ठान नेपाल कोरियन संस्थामा काम गरेर तार्केश्वर नगरपालिकामा २०७२ को महाभूकम्पका बेला हजारौं जनालाई राहत वितरण गरेका थिए । खेलकुदमा रही कामकारबाही गर्दै आएका उनले जोखिमयुक्त घर भत्काउने र बनाउने कार्यमा समेत भूमिका खेलेका थिए ।

भूकम्पका बेला काभ्रेस्थली माबी क्षतिग्रस्त बनेको थियो । जसमा खड्गीले पहल थालेर त्रिपालसहितको सुरक्षित पठनपाठनको व्यवस्थापन गरेपछि विद्यालय सञ्चालन हुने अवस्था बनेको थियो । पछि उनको एकल प्रयासमै विद्यालयका लागि कोरियाको सहयोगमा पक्की भवन बनेको थियो ।

त्यसबाहेक विद्यालयलाई चाहिने आवश्यक सामाग्री व्यवस्थापनमा समेत खड्गीले सहयोग गर्दै आएका छन् । समुदायस्तरका विभिन्न सामाजिक कार्यसंगै विकास निर्माणका थुप्रै योजनामा समितिको अध्यक्ष तथा पदाधिकारी भएर काम गरेका छन् । कोरोना महामारीमा पनि ८÷९ सय परिवारलाई राहत दिएका थिए । तार्केश्वर नगरपालिकाले खेलकुद समिति गठन गर्दा मेयरले खेलकुद समितिमा राजनीति नियुक्त मात्र गर्न थालेपछि खड्गीले विरोध गरेका थिए ।

खड्गीकै नेतृत्वमा सशक्त आन्दोलन भएपछि खेलकुद समितिमा सक्रिय खेलकर्मीले स्थान पाएका थिए । सामाजिक तथा व्यवसायीक क्षेत्रमा समेत उत्तिकै सक्रिय रहेका उनी होटल टेड्र युनियनमा सह–सचिव भएर काम गरे । हाल सक्रिय राजनीतीमा रहेका उनी विभिन्न चुनाव र संविधानसभामा बुथ प्रतिनिधि भई आम निर्वाचनमा खटिएका थिए ।

उनै खड्गी काँग्रेसको सुन्दर भविष्यको खाका बोकेर प्रदेश सचिवको उम्मेद्वार बनेका हुन् । उनले समस्त नेता कार्यकर्तालाई काँग्रेसको भविष्य हेरेर आफुलाई मत दिन अनुरोध गरेका छन् ।


क्याटेगोरी : समाचार
ट्याग : #विक्रम खड्गी


तपाईको कमेन्ट लेख्नुहोस्


Kathmandu
26°
Fair
5:08 am7:02 pm +0545