चितवन । ड्युटीमा खटिएका प्रहरीलाई घुस दिन खोज्ने एक जनालाई चितवन प्रहरीले आज (शनिबार) पक्राउ गरेको छ । बिहान अन्दाजी पौने ९ बजेको समयमा भरतपुर महानगरपालिका ३ पुल्चोकस्थित ड्युटीमा खटिएका प्रहरी हवल्दार हरी बहादुर घर्ती मगरलाइ सवारी चेकजाँचका क्रममा एक सय रुपैयाँ घुस दिन खोज्ने नवलपुर बुलिङटार गाउँपालिका २ देउराली बस्ने ३२ बर्षीया भरत लुंगेली मगरलाइ प्रहरीले पक्राउ गरेको हो ।

हवल्दार धर्ती मगरले ना ३ ख २३२२ नम्बरको ट्रकलाई रोकी कागजपत्र चेकजाँच गर्ने क्रममा उनको साथमा सवारी अनुमतिपत्र थिएनन् । चितवनका प्रहरी प्रमुख एसपी ओम प्रसाद अधिकारीका अनुसार आवश्यक कागजात नभइसकेपछि ट्रकका चालक लुंगेलीले चितवन राईस मिल समितिको चलानी पत्र भित्र एक सय रुपैयाँ घुस दिएपछि उनलाई पक्राउ गरिएको बताए ।

साथै, पक्राउ परेका ट्रक र त्यसका चालकलाई आवश्यक कार्वाहीका लागी अहिले जिल्ला प्रहरी कार्यालयमा ल्याईएको उनको भनाइ छ । उनीमाथि थप अनुसन्धान गर्ने कार्य भईरहेको चितवन प्रहरीले जनाएको छ । पछिल्लोपटक चितवन प्रहरीले घुस लिने प्रहरीलाई कार्वाही मात्रै नभइ घुस दिन खोज्नेलाइ सवारी चालकलाई समेत कार्वाहीको दायरामा ल्याएको छ ।

थप समाचार

रास्वपाले सत्ताको बागडोर सम्हाल्नै लाग्दा कस्ता छन् आर्थिक सूचक ?

राहदानी वितरण नयाँ प्रणाली जडानका क्रममा एक सातासम्म सेवा अवरुद्ध…

मारिएका इरानीको ‘रगतको बदला लिने’ इरानका नयाँ सर्वोच्च नेताको प्रतिबद्धता

बालेन शाहद्वारा राजनीतिक भेटघाट सुरु, आज प्रचण्डसँग एकघन्टा छलफल