श्रीस्वस्थानी व्रतकथा समापन , शालीनदीमा श्रद्धालु भक्तजनहरुको घुइँंचो । (फोटो फिचर)

साझा पाना २०७७ फागुन १५ गते २०:३१ मा प्रकाशित

काठमाडौं । पौष शुक्ल पूर्णिमाका दिनदेखि शुरु भएको श्रीस्वस्थानी व्रत कथा आज माघ शुक्ल पूर्णिमाका दिनबाट समाप्त भएको छ ।
यस अवसरमा काठमाडौंको शंखरापुर नगरपालिका साँखुमा रहेको शालीनदीमा श्रद्धालु भक्तनहरुको निकै घुइँंचो लागेको थियो ।

एक महिनासम्म एक छाक चोखो खाना तथा फलाहार खाएर व्रत बस्ने व्रतालुहरु विहानै उठी दैनिक स्नान गर्ने, दिउँसो मध्यान्हमा महादेवको पूजाअर्चना गर्ने र सन्ध्याकालमा श्रीस्वस्थानी व्रतकथा आफू पनि सुन्ने र सकेसम्म अरुलाई पनि सुनाउने चलन छ । ३१ वटा अध्यायहरु रहेको श्रीस्वस्थानी परमेश्वरीको व्रत कथा माघ शुक्ल पूर्णिमाका दिन समापन गरिन्छ ।

श्रीस्वस्थानी परमेश्वरीको व्रत बस्नाले र सुन्नाले मात्र पनि मनोकांक्षा पूरा हुने , जीवनमा सुख , शान्ति र समृद्धि प्राप्त हुने धामिक विश्वास रहनुका साथै मानिसको आध्यात्मिक चेतनामा बुद्धि भइ मानसिक तथा शारीरिका स्वास्थ्यमा समेत राम्रो प्रभाव पार्दछ भन्ने मान्यता रहिआएको छ ।