नयाँबसपार्क नजिक दिपज्योती सडकमा दुर्घटना

साझापाना २०७७ फागुन १२ गते ११:४८ मा प्रकाशित

काठमाडौं । काठमाडौं नयाँबसपार्क नजिक दिपज्योती सडकमा आज बिहान ५ बजेको समयमा सडक दुर्घटना भएको छ । एकाबिहानै मनमैजुबाट रत्नपार्क जाँदै गरेको बा १ ज ८६६४ नम्वरको माइक्रोले बसपार्कबाट मनमैजुतिर आउँदै गरेको प्रदेस ३ मा दर्ता भएको १९६२ नम्वरको स्कुटीमा ठक्कर दिँदा स्कुटी चालक घाइते भएका छन् ।

अनियन्त्रित तरिकाले चलाएको माइक्रोले स्कुटीलाई हान्दा स्कुटी चालक घाइते भएपछि प्रहरिले ६ः१५ को समयमा घाइतेलाई उपचारका लागि अस्पतालमा लगेको छ । प्रहरिले माइक्रोलाई नियन्त्रणमा लिई घाइतेको उपचारका लागि मानक्रोमा हालेर अस्पताल लगेको छ । करिव ४५ वर्षे भरतबहादुर कुमाललाई माइक्रोले ठक्कर दिँदा घुँडामा चोट लागेको छ ।