टोखामा श्रीमान श्रीमती कोठाभित्रै झुण्डिएको अवस्थामा मृत फेला

साझापाना २०७७ पुस २५ गते २१:०० मा प्रकाशित

काठमाडौंको टोखामा श्रीमान श्रीमती मृत भेटिएका छन् । श्रीमती सुदिक्षा गिरी र उनका केही हप्ता अगाडिमात्र अमेरिकाबाट फर्किएका श्रीमान उमेश केसी मृत भेटिएका हुन‍् ।

ग्राण्डी अस्पताल नजिकको एक हाउजिङमा सुर्खेत घर भएका उनीहरु बस्दै आएका थिए ।

गएराति उमेश बेडरुममा लडिरहेको अवस्थामा फेला परेका थिए भने श्रीमती सुदिक्षा कोठाभित्रै झुण्डिएको अवस्थामा फेला परेकी थिइन् । उमेशको कानबाट रगत बगेको पाइएको छ । नजिकै सिलौटो पनि भेटिएको छ ।

काठमाडौं प्रहरीका डिएसपी प्रमिश विष्टले घटनाबारे आफूहरुले गएराति पौने नौ बजे खबर पाएको र त्यसलगत्तै घटनास्थलमा पुगेर मुचुल्का उठाइ पोष्टमार्टम गर्न त्रिवि शिक्षण अस्पताल पठाइएको जानकारी दिए ।

क्याटेगोरी : समाचार
ट्याग : #कानबाट रगत बगेको र नजिकै सिलौटो पनि भेटियो