झोरमा राप्रपाको अगुवा कार्यकर्ता भेला तथा अन्तरक्रिया कार्यक्रम

साझा पाना २०७७ पुस १८ गते १७:०९ मा प्रकाशित

टोखा , झोर काठमाडौ । राष्ट्रिय प्रजातन्त्र पाटी टोखा १ कमिटिले अगुवा कार्यकर्ता भेला तथा अन्तरक्रिया कार्यक्रमको आयोजना गरेको छ । पार्टीका कार्यकर्तालाई संगठित गर्ने उदेश्यले शुक्रबार झोरमा कार्यकर्ता भेलाको आयोजना गरिएको स्थानिय नेता एवं समाजसेवी राजाराम अधिकारीले बताए ।

भेलालाई सम्बोधन गर्दै राप्रपाका नेता राजेन्द्र लिङ्गदेलले राप्रपाले गरेका कामको प्रचार प्रसार गर्दै जनतालाई पाटी प्रतिको विश्वास दिलाउन कार्यकर्तालाई अनुरोध गरेका छन ।

उनले टोखाको विकासका लागि राप्रपाले उल्लेख्य काम गरेको दावि समेत गरे । वर्तमान सरकारले जनअपेक्षा अनुसार काम गर्न नसकेको उनको आरोप छ ।

संघिय प्रणाली नै गलत भएकाले विकास निर्माणका काम अगाडी नबढेको बताउदै प्रदेश सरकार खारेज गर्नुपर्ने उनको माग थियो ।

टोखाका स्थानीय तहले राप्रपालाई काम गर्न रोक्ने प्रयास भइरहेको भन्दै निष्ठासंग काम गरेर देखाउन सो भेलाले चेतावनी दिएको छ ।

सो कार्यक्रममा स्थानिय राप्रपा नेता एवं कार्यकर्ताको बाक्लो उपस्थीती रहेको थियो ।

क्याटेगोरी : समाचार
ट्याग : #झोरमा राप्रपा