काभ्रेस्थलीमा एकै परिवारमा ४ जनामा कोरोना पुष्टी ,घर तथा चर्च शिल

साझा पाना २०७७ भदौ १४ गते २१:०४ मा प्रकाशित

तारकेश्वर काठमाडौ । तारकेश्वर नगरपालिका वडा नं २ काभ्रेस्थलीमा एकै परिवारमा ४ कोरोना पुष्टी भएको छ ।

पद्मशाल टोल अन्र्तगतको एकघर परिवारलाई कोरोना संक्रमण भएको हो ।

एकै परिवारमा ४ जनालाई कोरोना पुष्टी भएपछि वडा नं २ का वडा अध्यक्ष रबिन्द्र के.सीको नेतृत्वमा स्थानिय समाजसेवी , स्वास्थ शाखा प्रमुख ,धर्मस्थलि चौकीका प्रतिनिधि ,पद्मशाल टोलशुधार समितिका अध्यक्ष अर्जुन तामाङ्ग सहितको रोहबरमन पद्मशामन रहेको घर तथा चर्च शिल गरिएको छ ।

सो स्थानमा संक्रमण देखीएसंगै कन्ट्रयाक ट्रेसीङ्ग गरि थप सुरक्षा सर्तकता अपनाउने वडा अध्यक्ष रबिन्द्र के.सीले साझापानालाई बताए ।

तारकेश्वर नगरपालिकामा कोरोना संक्रमितको संख्या १ सय ५ जना पुगेको छ ।

नगरमा संक्रमितको संख्यामा अघिल्लो हप्तादेखि दैनिक रुपमा वृद्धि हुने क्रम बढेको छ । सोमबारसम्मा उक्त संख्यामा कोरोना फैलिएको नगरको स्वास्थ्य शाखाले जानकारी दिएको छ। त्यसमध्ये निको हुनेको संख्या २५ मृत्यु हुने एक, सक्रिय संख्या ७९ रहेको छ। त्यस्तै ५ सय ५१ जनाको पिसिआर परीक्षण गरिएको छ भने ३८ जनाको कन्टयाक ट्रेसिङ पोजेटिभ देखिएको स्वास्थ्य शाखाले जनाएको छ।