तारकेश्वरमा हाल सम्म ५७ जना कोरोना संक्रमित

साझा पाना २०७७ भदौ ७ गते २०:४९ मा प्रकाशित

तारकेश्वर नगरपालिकाभित्र कोरोना भाइरस संक्रमित हुनेको संख्या ५७ पुगेको छ ।

नगर स्वास्थ्य शाखाले तयार गरेको आंकडा अनुसार नगरपालिका भित्र संक्रमितको संख्या ५१ पुगेको हो ।

नगरपालिकाको आंकडा अनुसार वडा नं १० मनमैजुमा सबैभन्दा धेरै २० जनालाई कोरोना भाइरसको संक्रमण पुष्टि भएको छ । त्यस्तै वडा नं ५ गोलढुंगामा १३ जनालाई कोरोना संक्रमण भएको छ ।

वडा नं ११ नेपालटार र वडा नं ८ मनमैजुमा ६-६ जनालाई भाइरसको संक्रमण देखिएको छ । वडा नं २ मा २ जना, वडा नं ४ मा ३ जना र वडा नं ९ मनमैजुमा १ जना सक्रिय संक्रमित रहेको नगरपालिकाको आंकडा रहेको छ । यस बाहेक नगरको वडा नं १ सांग्लामा एकैपरिवारका तीनजनालाई कोरोना भाइरसको संक्रमण भएको वडा कार्यालयले यसअघि नै पुष्टि गरिसकेको छ ।

क्याटेगोरी : समाचार
ट्याग : #कोरोना, #तारकेश्वर