Techie IT
सोमबार, फागुन २१,२०८०

जलमग्न तुम्लिङटार बजार , तिन घर भत्किए (फोटो फिचर)

डुबानमा परेको तुम्लिङटार भिडियो सहित


लगातारको बर्षात्का कारण संखुवासभाको खाँदबारी नगरपालिका ९ तुम्लिङटार बजार डुवानमा परेको छ । सोमबारदेखि लगातार परेको बर्षाले तुम्लिङटारका कम्तिमा सय घर डुवानमा परेको छ । घरभित्र पानीबसेपछि ३ वटा घर भत्केको छ । विनाृेद बाह्कोटी, कृष्ण श्रेष्ठ र सम्सेर मगरको घर भत्केको जिल्ला प्रहरी कार्यालयका डिएसपी नवराज मल्लले बताउनुभयो । खाँदबारी नगर क्षेत्रका बिभिन्न स्थानका ४ जनाको घरमा क्षति पुगेको छ ।

माटो र ढुंगाले बनेको कच्चीघर डुवानका कारण जोखिममा परेको छ । मंगलबार विहान २ बजेपछि ठूलो पानी परेपछि तुम्लिङटार एक्कासी डुबेको थियो । तुम्लिङटार क्षेत्रमा ढलको राम्रो व्यवस्था नभएका कारण डुवानमा परेको स्थानीयले बताएका छन् । घरभित्र पानी बसेपछि व्यापारी मारमा परेका छन् ।

पहिरोले खाँदबारी नगरपालिका ६ का शान्तिकुमार खत्रीको घर भत्केको छ । घरभित्र रहेको सामाग्री सेनाको बराहदल गुल्म र प्रहरीले निकालेको छ । ढुंगेबिसौनीका वीरसुन्दर श्रेष्ठको घर, खाँदबारी ३ का गीता दर्जी र नारायण बुढाथोकीको घरमा क्षति पुगेको प्रहरीले जनाएको छ ।




क्याटेगोरी : भिडियो, समाचार


तपाईको कमेन्ट लेख्नुहोस्


Kathmandu
21°
Fair
6:24 am6:06 pm +0545