काठमाडौं । काठमाडौंको नागार्जुन नगरपालिकाले कोभिड १९ विरूद्धको खोप अभियान अन्तर्गत नगरपालिका स्तरीय खोप समन्वय समिति गठन गरेको छ ।

मंगलबार नगरकार्यापलिकाको कार्यालय हरिसिद्धि सितापाइलाको सभाहलमा एक कार्यक्रमको आयोजना गरि समिति गठन गरिएको नगरपालिकाले जनाएको छ । नवगठित समितिको ढाँचामा नगरका नगर प्रमुख मोहन बहादुर बस्नेत समितिको प्रमुख , नगर उप–प्रमुख शुसिला अधिकारी सदस्य , सबै वडाका वडा अध्यक्षहरु सदस्य , प्रमुख प्रशासकीय अधिकृत सदस्य , स्वास्थ्य साखाका प्रतिनिधि सदस्य र नगरपालिकाको स्वास्थ्य शाखाका प्रमुख सदस्य– सचिव  रहनेगरि उक्त खोप समन्वय समिति गठन गरिएको नगर उप–प्रमुख शुसिला अधिकारीले बताइन । साथै समितिलाई आवश्यकतानुसार विस्तार गरिदै जाने उनको भनाइ छ ।

समितिले तत्कालको अवस्थामा ५५ वर्षभन्दा माथिका बृद्धबृद्धा र यातायातको क्षेत्रका चालक तथा सहचालकहरुलाई लक्षित वर्गमा राखेर कार्य गर्ने योजना बनाएको र विस्तारै सबै तहमा यो सेवा पु¥याउने योजना अनुसार समितिले काम गर्नेउप –प्रमुख अभिकारीले बताइन ।

तत्कालको अवस्थामा नगरपलिकाको सितापाइला स्वास्थय चौकी र रामकोटको स्वास्थय केन्द्र गरि २ ठाउँमा शिविर सञ्चालन गरि काम अगाडि बढाइने समितिले बताएको छ । साथै खोप भण्डारणको व्यवस्था गरि नगरका अन्य ठाउँहरुमा शिविर राखेर कसरी छिटो छरितो सेवा प्रवाह गर्न सकिन्छ भन्ने कुरामा समितिले छलफल अगाडी बढाउने उनको भनाइ छ ।

 

क्याटेगोरी : स्थानीय
ट्याग : #नगरपालिका स्तरीय खोप समन्वय समिति गठन, #नागार्जुन नगरपालिका

---

---

---