भोजपुरी गीत ‘दे दन प्यार गोरी’ सार्वजनिक

साझा पाना २०८१ फागुन २ गते २१:३४ मा प्रकाशित

बर्दिवास – भोजपुरी संगीत पारखीहरूका लागि नयाँ म्युजिक भिडियो ‘दे दन प्यार गोरी’ सार्वजनिक भएको छ । उक्त गीतमा लोकप्रिय कलाकार सागर लम्साल (बले) र शिल्पा पोखरेलले अभिनय गरेका छन् ।

गीतमा रुद्रसेन विश्वकर्मा र प्रतिमा आर्यको सुमधुर आवाज सुन्न सकिन्छ भने गीतका शब्द र संगीत पनि रुद्रसेनकै सिर्जना हुन् । प्रदीप कुमार रसाइलीको नृत्य निर्देशनमा बनेको यस गीतको छायांकन ज्ञानेन्द्र शर्मा र उनकै टिमले काठमाडौंमा गरेका हुन् ।

निर कुमारी विश्वकर्मा ‘सविना’को निर्माणमा तयार भएको यो गीतलाई प्रमोद (भारत)ले एरेन्जिङ, मिक्सिङ र मास्टरिङ गरेका छन् । कोरसमा शशि झा र उनका साथीहरूको सहभागिता रहेको छ ।

रुद्रसेन क्रिएसन प्रा.लि.को प्रस्तुति रहेको यस गीतलाई ‘दिलवाली’ नामक नेपाली र भोजपुरी एल्बममा समावेश गरिएको छ । भ्यालेन्टाइन्स डेको अवसरमा सार्वजनिक गरिएको गीतले प्रेमी-प्रेमिकाहरूलाई आकर्षित गर्ने अपेक्षा गरिएको छ ।

यो गीत युट्युबलगायत सामाजिक सञ्जालमा उपलब्ध छ । ‘दे दन प्यार गोरी’ले छोटो समयमै दर्शकहरूबीच राम्रो प्रतिक्रिया पाउने विश्वास निर्माण टिमको छ ।

उक्त गीतलाई गायक रुद्रसेन क्रियसन प्रा.ली. युट्युब च्यानलबाट हेर्न सकिन्छ ।

उक्त गीतलाई हेर्नको लागि तलको लिङ्कमा क्लिक गर्नुहोला । 👇️