‘जनता साहित्यिक मञ्च’ गौरीडाँडाको दोस्रो साहित्य शृङ्खला सम्पन्न

साझा पाना २०८१ असोज १९ गते ०८:११ मा प्रकाशित

मिति २०८१ साल असोज १८ गते शुक्रबार जनता साहित्यिक मञ्च गौरीडाँडाको दोस्रो शृङ्खला यस
मञ्चका अध्यक्ष सुप्रिया बस्नेतको अध्यक्षतामा सम्पन्न भएको थियो ।

यस मञ्चका उपाध्यक्ष राजेश भण्डारीले सञ्चालन गरेको कार्यक्रममा उपस्थिति अतिथि लगायत सम्पूर्णलाई कोषाध्यक्ष नम्रता ठाकुरले शब्दद्वारा स्वागत गरेकी थिइन् । उक्त कार्यक्रममा शुभकामना मन्तव्य दिने अतिथिहरुमा दिनेश पौडेल, सौरभ शर्मा, रामचन्द्र पौडेल र सहायक प्रधानाध्यापक सरिता कार्कीले मन्तव्य दिएका थिए ।

उक्त कार्यक्रममा विभित्र लयका कविता, मुक्तक र कोपिला वाचन गरिएका थिए । वाचन गर्ने स्रष्टाहरुमा अंकित यादव, रितिका थापा, प्राची सुवेदी, रितिशा अर्याल, विद्या साह, केसर मगर, श्रवण मण्डल, राजन पौडेल, सुप्रिया बस्नेत, सौरभ शर्मा र रामचन्द्र पौडेलले वाचन गरेका थिए ।

कार्यक्रमको अन्तमा सभाध्यक्ष सुप्रिया बस्नेतले सहभागी अतिथि लगायत सम्पूर्णमा हार्दिक धन्यवाद दिदै कार्यक्रम समापन गरेकी थिइन् । कार्यक्रम जनता मा वि गौरीडाँडा बर्दिबास -३ महोत्तरीको सभाहलमा सम्पन्न भएको थियो ।