मनोरञ्जन

राजधानीमा विशेष रक्तिम साँस्कृतिक कार्यक्रम

काठमाडौँ महानगरपालिकाले आज यहाँ विशेष रक्तिम साँस्कृतिक कार्यक्रम गरेको छ ।

कार्यक्रममा रक्तिमका कलाकारले नृत्य, गीत र नाटक प्रस्तुत गर्नुभएको थियो । कार्यक्रममा जीवन शर्माको ‘क्रान्ति त्यसै आउँदैन’, ‘रगतको आहुति बगाउनु पर्दछ’, ‘जहाँ भोक पेटले दाना पानी मागेको हुन्छ’, ‘अन्याय र अत्याचारले जहाँ सीमा नाघेको हुन्छ, त्यहाँ फुट्छ ज्वालामुखी’लगायत जनवादी गीत प्रस्तुत गरिएको थियो ।

कार्यक्रममा ‘मिनी ओपेरा’ र ‘सङ्घीयताको फल’ नामक नाटक मञ्चन गरिएको थियो । पद्मोदय माध्यामिक विद्यालयका कक्षा दुईमा पढ्ने सफल परियारले ‘बाबू म त पढ्दिन सरकारी लगिदिनु, सरकारी कसोगरी तिरुला चर्काे शुल्क अति भयो मनपरी’ शीर्षकमा गीत गाउनु भएको थियो ।

रक्तिमका केन्दीय सदस्य एवं कलाकार हेमराज आश्रित, गीता थापा, विष्णु शर्मा, माया पुन, कमल राना, शोभा गोपालीले साँस्कृतिक प्रस्तुति दिनुभएको थियो । सो अवसरमा रक्तिमका केन्दीय सदस्य आश्रितले आगामी फागुन १ गते पोखरामा रक्तिमको राष्ट्रिय सम्मेलन हुने जानकारी दिनुभयो ।

Facebook Comments
Tags
Show More

Related Articles