एजेन्सी । भारतीय कलाकार मोहिना कुमारी सिंहमा कोरोनाभाइरस संक्रमण पुष्टि भएको छ । टेलिभिजन कार्यक्रमा ‘ये रिश्ता क्या कहलाता हे’ लगायतमा अभिनय गरिसकेकी उनका श्रीमान् सुयश रावत, ससुरा तथा क्याबिनेट मन्त्री सतपाल महाराज, सासु अमृता रावत, जेठानी आराध्या र उनका पाँच वर्षका छोरा पनि कोरोनाद्वारा संक्रमित छन् ।

 

मोहनाको घरमा काम गर्ने अन्य १७ कामदारमा पनि कोभिड–१९ परीक्षण पोजेटिभ आएको छ । सबै ऋषिकेशको एम्स अस्पतालमा भर्ना छन् ।

 

आफूहरुमा कोरोना देखिएपछि उनले सामाजिक संजालमा लेखेकी छिन्, ‘सुत्न सकिरहेकी छैन । यो सुरुवाती दिन हामी सबैका लागि निकै कष्टकर छ । विशेषगरी हाम्रा बच्चा र वृद्ध–वृद्धाका लागि । तर यो सबै छिट्टै समाप्त होस् भनेर म प्रार्थना गरिरहेकी छु । हामी ठिक छौं ।’

क्याटेगोरी : मनोरञ्जन/साहित्य
ट्याग : #मोहिना कुमारी

---

---

---