“तिमी छाल म बगर “
तिम्रा जस्तै छन् मेरा चाहना
तिम्रा जस्तै छन् मेरा वेदना
तिम्रा जस्तै छन् आकांक्षा
अनि संगालेका उमंग
उस्तै छन् बनावट र रहर
तर तिमी छाल म बगर ।।

तिम्रा याद जतन गरेर राखेको छु
आफुबाट टाढा फालेको छैन ।
मन् त छ नि उज्यालोमा बस्न
तर तिम्रो तस्बिर बालेको छैन।
सम्हालेर राखेको छु मैले त
मुटुको ढुकढुकिमा तिमीलाई
तिम्ले झै क्षणिक अङ्गालेको होइन ।।

भावना एउटै थियो हाम्रो
सपना झन् रंगिन थिए हिजो
आज तिमीले ती सपनालाई
ब्ल्याक एन्ड व्हाईट बनायौ
र त हिजोको त्यो रंगिन सपना
आज तिमीलाई फिक्का लाग्यो

छालले जति चुमेपनि हेर यहाँ
बगर त तृप्त हुन नसक्दोरहेछ
पर्खाइमा कुर्दाकुदै यो जिन्दगी
प्रिय एक्लै एकदिन जानु नै छ
फरक यति हो माया भो जहर
तर तिमी छाल म बगर ।।

क्याटेगोरी : विचार/बहस
ट्याग : #तिमी छाल म बगर

---

---

---