काठमाडौं । श्री भगवती क्लबलाई ४-२ ले पराजित गर्दै साविक विजेता चर्च ब्वाइज युनाइटेड एन्फा यु–१६ युथ लिगको छैटौं स्थानमा उक्लिएको छ ।

सोमबार सातदोबाटोस्थित अखिल नेपाल फुटबल संघ (एन्फा) मुख्यालय मैदानमा सम्पन्न सातौं चरणको खेलमा चर्च ब्वाइजका लागि अप्सन गुरुङले ह्याट्रिक गरे । त्यस्तै एक गोल सुशन थापामगरको नाममा एक गोल रह्यो ।

श्री भगवतीले अनिल परियारको गोलमा सुरुआती अग्रता लिएको थियो । एक गोल सुयोग श्रेष्ठले गरे ।

जितसँगै १० अंक जोडेको चर्च ब्वाइजले दुई स्थान सुधारेको हो । यो नतिजासँगै श्री भगवती ६ अंक जोड्दै ११औं स्थानमा झरेको छ ।

दिनको दोस्रो खेलमा न्युरोड टिम (एनआरटी) र फ्रेन्ड्स क्लबले प्रतिस्पर्धा गरिरहेका छन् ।

क्याटेगोरी : खेलकुद
ट्याग : #breaking, #टोखाको श्री भगवतीलाई हराउँदै चर्च ब्वाइज छैटौं स्थानमा उक्लियो

---

---

---