नेपालमा थप २ जनामा कोरोना संक्रमण पुष्टि,संक्रमितको संख्या ५९ पुग्यो

साझा पाना २०७७ वैशाख १९ गते १८:२३ मा प्रकाशित

काठमाडौं । नेपालमा थप दुई जनामा कोरोना भाइरसको संक्रमण रहेको पुष्टि भएको छ। बाँकेका ६० वर्षीय बुद्धा र रुपन्देहीका २५ वर्षीय युवामा कोरोना भाइरस पोजेटिभ देखिएको स्वास्थ्य तथा जनसंख्या मन्त्रालयले जनाएको छ । यो सँगै नेपालमा संक्रमितको संख्या ५९ पुगेको छ । यी मध्ये ४९ जना पुरुष र १० जना महिला रहेका छन् । संक्रमित सबैको स्वास्थ्य अवस्था भने सामान्य रहेको जनाईएको छ ।

नेपालमा हालसम्म कुल १६ जना संक्रमित निको भएर घर फर्कीसकेका छन् भने ४३ जनाको उपचार भइरहेको छ ।

शुक्रबार थपिएका २ जना संक्रमितलाई पनि निगरानीमा राखिएको र संक्रमितका परिवारका सवै सदस्यहरुको स्वास्थ्य जाँच गर्ने तयारी भइरहेको स्वास्थ्य मन्त्रालयले जनाएको छ ।

विश्वमा अहिलेसम्म ३३ लाख २३ हजार भन्दा बढी संक्रमित भएका मध्ये १० लाख ५० हजार भन्दा बढी निको भएर घर फर्किसकेका छन् ।

क्याटेगोरी : विशेष
ट्याग : #थप दुई संक्रमित