नेकपा निकट कर्मचारी सङ्गठनको नाम ‘राष्ट्रिय पेशागत महासंघ, नेपाल’ मा सहमत

साझा पाना २०७५ भदौ ६ गते ०३:३९ मा प्रकाशित

नेपाल कम्युनिष्ट पार्टी (नेकपा) निकट कर्मचारी सङ्गठनको नाम ‘राष्ट्रिय पेशागत महासंघ, नेपाल’ रहने भएको छ ।

कर्मचारी सङ्गठनको एकताका लागि गठित कार्यदलले पेशागत महासंघ नेपाल र नेपाल राष्ट्रिय कर्मचारी महासङ्घबीच भएको एकतापछिको सङ्गठनको नाम तय गरेको नेपाल राष्ट्रिय कर्मचारी महासङ्घका अध्यक्ष दयाराम बस्यालले जानकारी दिनुभयो ।

कार्यदलले पार्टी महासचिव विष्णु पौडेललाई बुझाइएको प्रतिवेदनमा नेतृत्व वाहेक सबै विषयमा सहमति भइसकेको छ । महासङ्घको १११ जनाको केन्द्रीय सदस्य बनाउने प्रतिवेदनमा प्रस्ताव गरिएको छ । महासङ्घअन्तर्गत २५ मात्र राष्ट्रिय समिति बनाउने प्रस्ताव गरिएको छ । यसअघि कर्मचारी महासङ्घको १२ र पेशागत महासङ्घका २६ राष्ट्रिय समिति रहेका थिए ।

क्याटेगोरी : विशेष