बचेको खोप पत्रकार र कुटनीतिक नियोगलाई

कोभिड १९

साझा पाना २०७७ माघ २५ गते १६:११ मा प्रकाशित

काठमाडौँ २४ माघ । स्वास्थ्य तथा जनसंख्या मन्त्रालयले पहिलो चरणमा बचेको खोप कोभिड १९ विरुद्धको खोप भोलिबाट लगाउन सुरु गर्ने भएको छ । जसका लागि पत्रकार, कुटनीतिक नियोगमा काम गर्नेहरूलाई प्राथमिकतामा राखिने मन्त्रालयले जनाएको छ ।

मन्त्रालयका अनुसार काठमान्डौँको सिभिल अस्पताल, शिक्षण अस्पताल, सहिद गंगालाल अस्पताल र ललितपुरको पाटन अस्पतालमा खोप लगाइने छ ।

मन्त्रालयको स्रोतका अनुसार सिभिल अस्पतालमा पत्रकार, पाटन अस्पतालमा युनएन एजेन्सीका कर्मचारी र तिनका परिवारलाई खोप लगाइने छ । त्यस्तै, टिचिङ र गंगालाल अस्पतालमा कुटनीतिक नियोगका कर्मचारीलाई खोप लगाउने सरकारको योजना छ । पत्रकारले खोप लगाउन सूचना विभागको प्रेस पास देखाउनु पर्नेछ ।

पहिलो चरणको खोप शनिबार समापन भएको थियो । भारत सरकारले उपलब्ध गराएको खोप पहिलो चरणमा देशभरका २ सय १ खोप केन्द्रबाट १ लाख ८४ हजार ८ सय ५७ जनाले लगाएका थिए ।

क्याटेगोरी : विशेष, स्वास्थ्य