कर्णाली बन्द गराउदै गरेका बिप्लब कार्यकर्ता पक्राउ

साझापाना २०७५ असार २५ गते ०५:०२ मा प्रकाशित

नेपाल कम्युनिस्ट पार्टीले आज कर्णाली बन्दको आह्वान गरेको छ ।
शान्तिपूर्ण कार्यक्रममाथि प्रहरीले हस्तक्षेप गरेर हवाई फायरिंग र नेता–कार्यकर्ता गिरफ्तार गरेको विरोधमा आज कर्णाली बन्दको घोषणा गरेको सो पार्टीका कर्णाली ब्यूरो इन्चार्ज एटम बिसीले बताउनु भयो ।

बन्दका कारण कर्णालीका रुकुम (पश्चिम भाग), सल्यान, डोल्पा, जुम्ला, मुगु, हुम्ला,कालिकोट, जाजरकोट, दैलेख र सुर्खेत जिल्लाको जनजिवन बिहानैबाट प्रभावित बनेको छ ।

यातायातका साधन सन्चालनमा आउन सकेका छैनन् भने शिक्षण संस्था पनि बन्द छन् ।

पार्टीको ‘एकीकृत जनजागरण अभियान’ को सिलसिलमा आयोजना गरिएको शान्तिपूर्ण कार्यक्रममाथि हस्तक्षेप गरेर सरकारले फासिवादी हरकत गरेको भन्दै त्यसको विरुद्ध बन्दको आह्वान गरेको इन्चार्ज बिसीले बताउनु भयो ।

साँस्कृतिक कार्यक्रम चलिरहेको बेला प्रहरीले शनिवार हवाई फायर गर्नुको साथै अश्रुग्याँस प्रहार गरेको बिसिले बताउनु भयो । प्रहरीले पार्टीका मुगु इन्चार्जसहित आधा दर्जन नेता–कार्यकर्तालाई गिरफ्तार गरेको छ ।

क्याटेगोरी : विशेष
ट्याग : #बिप्लब