‘राष्ट्रिय स्वतन्त्र पार्टी’ निर्वाचन आयोगले दर्ता गर्नुहुँदैन : सूर्य थापा

साझापाना २०७९ असार ८ गते १५:४१ मा प्रकाशित

काठमाडौँ। नेकपा एमाले पोलिटब्यूरो सदस्य सूर्य थापाले रवि लामिछानेको पार्टी ‘राष्ट्रिय स्वतन्त्र पार्टी’ निर्वाचन आयोगले दर्ता गर्न नहुने बताएका छन् ।

मंगलबार राष्ट्रियसभामा सञ्चारकर्मी रवि लामिछानेले राष्ट्रिय स्वतन्त्र पार्टी घोषणा गरेका छन् । उनले आजै आयोगमा गएर पार्टी दर्ताका लागि निर्वाचन आयोगमा निवेदन समेत दिएका छन् ।

एमालेका थापाले लामिछानेको पार्टीको नामप्रति टिप्पणी गर्दै आयोगले दर्ता गर्न नहुने तर्क प्रस्तुत गरेका हुन् । उनले सामाजिक सञ्जाल फेसबुकमार्फत स्वतन्त्र पार्टी गठन गरिने कानुन विपरीत भएको बताए ।

‘कानुनतः स्वतन्त्र उम्मेदवारी व्यक्तिको सार्वभौम अधिकार हो । व्यक्तिले दलमा लाग्दिनँ भनेर स्वतन्त्र रूपमा निर्वाचन लड्न र जित्न पाउनेगरी कानुनले सुरक्षित गरेको अधिकार छिनेर स्वतन्त्र पार्टी गठन गरिनु कानुनविपरीत हो । स्वतन्त्र उम्मेदवारीमा नै भ्रम र अन्योल उत्पन्न हुनेगरी कसैले पनि पार्टी बनाउन खोज्छ भने निर्वाचन आयोगले दर्ता गर्नुहुँदैन ।’, उनले लेखेका छन् ।

क्याटेगोरी : राजनीति, समाचार
ट्याग : #सूर्य थापा