Techie IT
बिहीबार, जेठ १०,२०८१

बिप्लव नेतृत्वको नेपाल कम्युनिष्ट पार्टीका केन्द्रीय सदस्य बिरही पक्राउ

"बम विस्फोट मुद्दामा धनुषा लैजाँदै"


प्रतिबन्धित बिप्लव नेतृत्वको नेपाल कम्युनिष्ट पार्टीका केन्द्रीय सदस्य एवम् प्रकाशन विभागका पूर्व इन्चार्ज अनिल शर्मा ‘विरही’ शनिबार पक्राउ परेका छन् । उच्च रक्तचाप, मधुमेहका बिरामी समेत रहेका नेता शर्मालाई घरको भर्‍याङबाट लडेर चोटपटक लागेपछि भरतपुरको पुरानो मेडिकल कलेजमा उपचार गर्दागर्दै गत बैशाख २३ गते पक्राउ गरेको थियो ।

शर्माका पक्षबाट जिल्ला अदालत चितवनमा दायर रिटउपर भएको बहसमा अदालतले उनलाई थुनामा राख्नुपर्ने कुनै कारण नभएकोले छाड्न आदेश दिदै उपचारका लागी अस्पताल पठाए पनि प्रहरीले उनलाई शनिबार दिउँसो पक्राउ गरेको हो । बिरामी समेत रहेका शर्माको स्वास्थ्य अवस्थालाइ ख्याल गर्दै चितवन जिल्ला अदालतले साधारण तारेखमा रिहा गरि स्वास्थय अवस्था सामान्य नभएसम्म पुन पक्राउ नगर्न आदेशसम्म दिएको थियो ।

तर, अदालतको निर्णय समेतलाई अवज्ञा गर्दै चितवन प्रहरीले शर्माविरुद्ध धनुषामा अर्को मुद्दा रहेको भन्दै गिरफ्तार गरेको छ । शर्मालाई नियन्त्रणमा लिएर बम बिस्फोटन तथा कर्तव्यज्यान अन्तर्गत मुद्दा चलाउन धनुषा लगिएको स्रोतले जनाएको छ ।


क्याटेगोरी : राजनीति, समाचार
ट्याग : #चितवन


तपाईको कमेन्ट लेख्नुहोस्


थप समाचार

Kathmandu
21°
Mostly Cloudy
5:10 am6:50 pm +0545