उपत्यकासहित थप २७ जनामा कोरोना संक्रमण, कुल संक्रमितको संख्या ४०२

साझा पाना २०७७ जेठ ६ गते १८:०७ मा प्रकाशित

काठमाडौं, ६ जेठ । स्वास्थ्य तथा जनसंख्या मन्त्रालयले थप २७ जनामा कोरोना भाइरस (कोभिड-१९)को संक्रमण पुष्टि गरेको छ ।

थपिएका संक्रमितमध्ये उपत्यकाका पाँच जना छन् । मन्त्रालयका अनुसार काठमाडौंमा तीन तथा भक्तपुर र ललितपुरमा एकएक जनामा संक्रमण पुष्टि भएको छ ।

यस्तै झापाका ९ जना, मोरङ र सुनसरीका एक/एक जना, सर्लाहीका २ जना, मनवानपुर र रामेछाप, सिन्धुली र लमजुङका एकएक जना कपिलवुस्तका चार र नवलपरासीका एक जनामा संक्रमण पुष्टि भएको छ ।

थपिएका कोरोना संक्रमित १७ देखि ४२ वर्ष उमेरका छन् ।

प्रदेशगत रुपमा सबैभन्दा धेरै संक्रमित प्रदेश ५ मा छन् । प्रदेश १ मा ५४, २ मा एक सय ३६, वागमतीमा २७ र गण्डकी प्रदेशमा चार जना छन् भने प्रदेश ५ मा एक सय ७६, कर्णालीमा एक र सुदूरपश्चिम प्रदेशमा पाँच जना छन् । यससँगै कुल संक्रमितको संख्या ४०२ पुगेको छ । मन्त्रालयका अनुसार संक्रमण ३६ जिल्लामा पुगेको छ ।

क्याटेगोरी : ब्रेकिंग न्युज, समाचार
ट्याग : ##कोभिड१९