टोखामा कोरोना बाट मृत्यु भएकी महिला बसेको स्थानमा थप परीक्षण दायरा बढाइयो

साझा पाना २०७७ जेठ ५ गते १०:५४ मा प्रकाशित

काठमाडौँ, ५ जेठ । कोरोना भाइरस (कोभिड १९)को संक्रमणबाट मृत्यु भएकी सिन्धुपाञ्चोककी महिला बसेको स्थान टोखामा परीक्षणको दायरा बढाईको छ ।

टोखा नगरपालिकाले उनी बसेको स्थानमा परीक्षणको दायरा बढाइएको नगरप्रमुख प्रकाश अधिकारीले जानकारी दिए ।
उनले हिजो आइतवारमात्र २५ जनाको कोभिड १९ परीक्षण गरिएको बताए ।

शुक्रबार कोभिड १९ को कारण मृत्यु भएकी सिन्धुपाञ्चोक वाह्रविसेकी २९ बर्षिया महिला सुत्केरी हुनुभन्दा पहिले टोखा नगरपालिका वडा ९ स्थित काभ्रेडेरीदेखि अरुण डेरीसम्मको ठाउँमा बसेकी थिइन । नगरपालिकाले उनी बसेको उक्त ठाउँलाई शनिवार नै सिल गरेको छ।

नगरप्रमुख अधिकारीले मृतकका नजिकका आफन्त नजिकका मानिसमा पनि परीक्षण गरिने बताए । उनले टोखाका प्राय सवै ठाउँमा परीक्षणको दायरा समेत बढाइएको जानकारी दिए ।

क्याटेगोरी : समाचार
ट्याग : ##कोभिड१९, #टोखा