नेपाली कांग्रेसले फागुन ७ गतेबाट चुनावी सभाहरू सुरु गर्ने भएको छ। फागुन २१ गते हुने प्रतिनिधिसभा निर्वाचनलाई लक्षित गर्दै कांग्रेसले पहिलो चुनावी सभा जनकपुरमा आयोजना गर्न लागेको हो।

कांग्रेस सभापति गगन थापा सर्लाही–४ बाट उम्मेदवार रहेकाले पहिलो ठूलो सभा मधेशमै गर्ने रणनीति बनाइएको सहमहामन्त्री डिला संग्रोलाले जानकारी दिइन्। सभालाई सभापति थापा, उपसभापति विश्वप्रकाश शर्मा लगायत शीर्ष नेताहरूले सम्बोधन गर्नेछन्।

उनका अनुसार समय मिलेसम्म सभापति थापा र उपसभापति शर्मा चुनावी अभियानका क्रममा देश दौडाहामा निस्कने तयारीमा छन्। कांग्रेसले थापालाई भावी प्रधानमन्त्रीको उम्मेदवारका रूपमा अघि सारेको छ भने शर्मा निर्वाचन परिचालन समितिको संयोजकको जिम्मेवारीमा छन्।

क्याटेगोरी : समाचार
ट्याग : #breaking

---

---

---