तारकेश्वर हिले टोल हाइडमा ५२ परिवारले पाए राहत

साझापाना २०७७ वैशाख १२ गते १९:३९ मा प्रकाशित

१२ वैशाख काठमाडौं । तारकेश्वर वडा नं. १० मा हिलेटोल टोल सुधार समितिले राहत वितरण गरेको छ । सरकारी राहत नपाएकाहरुलाई टोलका उपभोक्ताहरुको सहयोगमा राहत वितरण गरिएको कुरा टोल सुधार समितिका सचिव केशव बोगटीले बताएका छन् । बोगटीका अनुसार हिलेटोलमा बसोबास गरेका ज्यालादारीमा काम गर्ने ज्यामी मजदुर र निमुखाहरुका लागि राहत वितरण गरिएको छ ।

हिलेटोलमा राहत ५२ जना पिडितका परिवारले पाएका छन् । राहत लिन लाइन बसेका नागरिकहरुको स्वास्थ्य परिक्षण गरिएको थियो ।

राहत सामाग्रीहरुमा ३ जनासम्मको परिवारका लागि १५ किलो चामल र ४ जनादेखि माथिका लागि २५ किलो चामल, १ लिटर तेल, १ किलो दाल, १ प्याकेट नुन, ४०० ग्राम सोया मसेउरा, १ किलो चिनी र चियापत्ती रहेको छ ।

तारकेश्वर १० मा लगभग सबै टोल सुधार समितिहरुमा राहत वितरण सम्पन्न भइसकेको र अझै २–३ ठाउँमा रहेको त्यो पनि १–२ दिनमा नै सम्पन्न भइसक्ने कुरा वडा अध्यक्ष अमृत थापाले बताएका छन् ।

फरकपत्र

क्याटेगोरी : समाचार
ट्याग : #तारकेश्वर हिले टोल