घरबाहिर निस्कन टोखामा‘पास’ को व्यवस्था

साझापाना २०७७ वैशाख ११ गते १९:०३ मा प्रकाशित

न्यूज अफ टोखा, काठमाडौं । टोखा नगरपालिका वडा नं ३ ले नगरवासीलाई घरबाट बाहिर जानको लागि पासको व्यवस्था गरेको छ ।

नगरले लकडाउनको अवधिभर कोरोना भाइरस (कोभिड–१९) संक्रमणको जोखिमलाई ध्यान दिँदै अनिवार्य पास लिनु पर्ने गरेको हो ।

वडाले ‘एक घरधुरी एक पास’को व्यवस्था गरी करिव ३ हजार परिवारलाई घरघरमा वडा कार्यालयका कर्मचारी तथा स्वयंसेवक मार्फत पास पुर्‍याइदिने व्यवस्था गरेको छ ।

पासविना घरवाहिर निस्कने व्यक्ति जो कोहिलाई कारवाही गर्न वडा कार्यालयले प्रशासन कार्यालयमा पत्राचार समेत गरेको वडा अध्यक्ष सिंहराज श्रेष्ठले बताएका छन् ।

यसका साथै सुरक्षामा खटिरहेका स्वयंसेवकहरुले सम्मेत कार्वाहि गर्न सकिने छन् ।

वडाले विहान ५ बजेदेखि ९ बजेसम्म खाद्यान सामाग्री किनमेल गर्न घरबाट बाहिर निस्कन सक्ने समय निर्धारण गरिएको भए पनि अनावश्यक रुपमा विभिन्न बहानामा बाहिर निसक्ने गरेको र भीड लाग्ने गरेको कारण यस्तो निर्णय गरिएको हो ।

वडाले दिएको उक्त पास किनमेल गर्न प्रयोजनका लागि मात्र मान्य हुनेछ । वडाले तोकिएको समय विहान ५ बजेदेखि ९ बजेसम्म सो पासमा तोकिएको स्थानको पसलमा मात्र मान्य हुनेछ । पसलमा जान्दा पनि ग्रहाकले अनिवार्यरुपमा उक्त पास देखाउनु पर्नेछ । यसबाट एक स्थान वा समुदायका व्यक्ति अर्को समुदायमा आवत जावत गर्न पाइने छैन् ।

यसै विषयमा हिजो बुधबार वडा कार्यालयमा व्यवसायी, जनप्रतिनिधि तथा कोरोना भाइरस रोकथामका लागि गठित समितिका सदस्यहरु बीच छलफल समेत गरिएको अध्यक्ष सिहराज श्रेष्ठले बताएका छन् ।

११ वाडमा पनि पासको व्यवस्था

टोखा नगरपालिका वडा नं ३ ले लागु गरेको पास वितरण ११ नं वडाले पनि आफ्नो वडामा लागु गरिएको छ । पासको व्यवस्थाले भीड नियन्त्रण गर्न निकै नै प्रभावकारी र व्यवहारीक भएको बताएका छन् ।

यो पासको व्यवस्था सिंगो टोखा नगरपालिका भरी नै लागुन गर्न सकेमा अनावश्यक भीड धेरै नियन्त्रण हुने अपेक्षा लिन सकिन्छ ।

क्याटेगोरी : समाचार
ट्याग : #टोखामा‘पास