काठमाडौं । गायिका एलिना चौहानको डिभोर्सलाई लिएर उनका दुई समकालीन गायिकाहरु रचना रिमाल र समीक्षा अधिकारीले प्रतिक्रिया दिएका छन् ।

सामाजिक सञ्जालमार्फत उनीहरुले एलिनालाई हौसला र सहानुभूतिसमेत दिएका छन् । एलिनालाई अब मुखबाट मात्र होइन मनबाटै हाँसेको देख्न पाउने रचनाको आशा छ ।

उनले लेखेकी छन्, ‘अन्ततः आज तपाईंले एकदम ठूलो आँट र मनले यो निर्णय लिनुभएको छ । दिदी, अब तपाईंलाई मुखले मात्रै होइन मनबाट नै हाँसेको हेर्न पाउँछु भन्ने ठूलो आशा छ । अरु खुशी आउँदै, जाँदै गर्छन्, तर मनको खुशी आफैंले स्थापित गर्ने हो । म तपाईंको शुभचिन्तक हिजो पनि थिएँ, आज पनि छु र भोलि पनि रहनेछु । आई लभ यु मेरी दिदी ।’

समीक्षाले पनि डिभोर्सको निर्णय लिएर एलिनाले आफूलाई सक्षम र साहसी नारी सावित गरेको बताएकी छन् ।

‘हिजो मलाई अन्यायका विरुद्ध डटेर सामना गर्न उत्प्रेरणा दिनुहुन्थ्यो, मलाई त्यतिबेलै तपाईं साँच्चै साहसी लाग्नुहुन्थ्यो । आज हिंसा र यातनाविरुद्ध जीवनको सारथीबाटै अलग हुने निर्णय गरेर फेरि आफूलाई हिम्मतवाली, सक्षम र साहसिक सावित गरिदिनुभएको छ । सलाम छ । बहिनीका रुपमा म सधैँ तपाईंको साथमा रहिरहनेछु ।’

क्याटेगोरी : समाचार
ट्याग : #breaking, #एलिनालाई रचना र समीक्षाको हौसला, #कसले के लेखे ?

---

---

---