काठमाडौँ माघ । लायन्स क्लवले नुवाकोट पञ्चकन्या गाउँपालिका ५ मा रहेको भेडाबारी माध्यमिक विद्यालयमा विभिन्न सामग्री वितरण गरेको छ ।
लायन्स क्लव अफ काठमाडौँ सामाखुसी, लायन्स क्लव अफ काठमाडौँ लुम्विनी र लायन्स क्लव अफ काठमाडौँ रेनवोको संयुक्त आयोजनामा भएको कार्यक्रममा शैक्षिक तथा अन्य सामग्री वितरण गरिएको हो ।
विद्यार्थीहरुलाई स्कूल ड्रेस, न्यानो कपडा, स्टेशनरी सामग्री तथा खाजाको रुपमा गोल्डेन कुकिज वितरण गरिएको लायन्स क्लव काठमाडौँ लुम्बिनीका अध्यक्ष पोमनारायण अधिकारीले जानकारी दिनुभयो ।
अधिकारीले क्लवले विभिन्न खाले कार्यक्रम सञ्चालन गरेर दुःखी गरिव र समस्यामा परेका नागरिकलाई राहत तथा सहयोग प्रदान गरिरहेको बताउनुभयो ।

“निरन्तरका समाजिक गतिविधिले जनस्तरमा क्लवले राम्रो प्रभाव जमाउन सफल भएको छ” उहाँले भन्नुभयो, “क्लवमा जोडिएका सबैको साथ सहयोगले संस्थाको गरिमा बढ्दै गइरहेको छ ।” विद्यालयमै आइ विभिन्न सामग्री उपलव्ध गराएपछि विद्यार्थी, अभिभावक र शिक्षक खुसी भएका थिए ।

थप समाचार

प्रकाशमान सिंहलाई बालेनको सुझाव- गणेशमान सिंह र कांग्रेसको इतिहास माटोमा…

नागढुंगामा हाइस दुर्घटना हुँदा एकको मृत्यु, नौ घाइते

तारकेश्वरमा अबदेखि सुत्केरी, जेष्ठ नागरिक सहारा र मृत्यु संस्कार भत्ता…

नाउपाको बैठकमा मानुषी- सिके राउत र रेशम चौधरीसँगै मिसिँदैछन् बाबुराम…