गौहत्याको घटनाप्रति गम्भीर ध्यानाकर्षण : विश्व हिन्दु महासंघ

साझापाना २०७६ भदौ १४ गते १०:२७ मा प्रकाशित

काठमाडौं, १४ भदौ । विश्व हिन्दु महासंघले सुर्खेतको कटकुवा जंगलमा भएको सामूहिक गौहत्याको घटनाप्रति गम्भीर ध्यानाकर्षण गराउँदै त्यसमा संलग्नलाई कडा कारबाहीको माग गरेको छ ।

महासंघकी महासचिव अस्मिता भण्डारीले ‘हाम्रो देशको राष्ट्रिय जनावर गाईलाई हाम्रो पूर्वीय दर्शन र हिन्दू धर्म संस्कृतिमा आमा सरह मान्ने र पुजा गर्ने परम्परा रहिआएको छ । गौहत्या गर्नु महाअपराध हो, यस्तो गर्न पाइँदैन, गर्नेलाई कानुनबमोजिम कडा भन्दा कडा दण्डित गरिनु पर्दछ’ भनेकी छन् ।

देशका विभिन्न ठाउँमा पर्याप्त गौशालाहरु नहुनु, छाडा छोडिएका चौपायाहरुको उचित व्यवस्थापनका निम्ति राज्यले उदासीनता देखाउनुले पनि गौहत्याले अझै प्रश्रय पाएको उनको ठहर छ ।

क्याटेगोरी : समाचार
ट्याग : #विश्व हिन्दु महासंघ