घर बाट हराएकी २ बर्षीया वालिका २ दिनपछि जंगलमा भेटिइन्

साझापाना २०७६ साउन १६ गते ०३:५१ मा प्रकाशित

घरबाट हराएकी एक बालिकालाई प्रहरी र आफन्तले ५० घण्टापछि जंगलमा भेटेका हुन् ।

ताप्लेजुङको सिरिजंघा गाउँपालिका–१ की २ वर्षीया बालिका सुम्निमा इवाराम हराएको दुई दिनपछि फेला परेकी हुन । यो समाचार कान्तिपुर दैनिकमा आनन्द गौतमले लेखेका छन् ।

नानी हराएको पिरमा उनकी आमाले भने बिष सेवन गरी अस्पतालमा भर्ना भएकी छिन ।

सदरमुकाम फुङ्लिङबाट गएको प्रहरी नायब उपरीक्षक सञ्जयसिंह थापा नेतृत्वको टोलीले बालिकाको उद्धारपछि परिवारलाई जिम्मा लगाएको प्रहरीले बताएको छ ।

क्याटेगोरी : समाचार
ट्याग : #२ बर्षीया