सामाजिक सुरक्षा ऐनको कार्यान्वयन गर्ने श्रमिक महिला रक्षा संघको माग

साझापाना २०७६ जेठ ८ गते ०४:२३ मा प्रकाशित

श्रम क्षेत्रमा रहेका श्रमिकको जीवनस्तरलाई सुधार्न सामाजिक सुरक्षा ऐनमा व्यवस्था भएकाले अविलम्ब यसको कार्यान्वयन गर्नुपर्नेमा जोड दिइएको छ ।

श्रमिक महिला रक्षा संघद्वारा आयोजित अन्तक्र्रियामा वक्ताले उक्त ऐनले योगदानमा आधारित सामाजिक सुरक्षाका विषयमा स्वरोजगार र अनौपचारिक क्षेत्रलाई समेटेकाले चाँडो लागू गर्न माग गर्नुभएको हो । औपचारिक क्षेत्रमा भने श्रमिकले सामाजिक सुरक्षा प्राप्त गरिरहेका छन् ।

प्रदेशसभा सदस्य भीमसेन खत्रीले कुनै कारणले कामदार असक्त भएमा सम्बन्धित व्यक्ति र आस्रित परिवारलाई सहयोग गर्ने उद्देश्यले सबै दलको समन्वयमा ऐन ल्याइएको बताउँदै सरकारले त्यसलाई छिट्टो कार्यान्वयन गर्नुपर्ने बताउनुभयो ।

अर्का प्रदेशसभा सदस्य बेलीमैया घलेले रोजगारदाताले सामाजिक सुरक्षा कोषमा सूचिकृत हुनुपर्ने र उनीहरुले श्रमिकलाई पनि सूचिकृत गर्नुपर्ने व्यवस्था ऐनमा भएका कारण श्रमिक लाभान्वित हुने विचार व्यक्त गर्नुभयो ।

क्याटेगोरी : समाचार
ट्याग : #श्रमिक महिला रक्षा संघ