विप्लव कार्यकर्ताद्धारा नवलपुरमा ट्रकमा आगजनी

साझापाना २०७६ वैशाख ५ गते ०४:४३ मा प्रकाशित

विजय चालिसे

कावासोती, ५ वैशाख । विप्लव नेतृत्वको नेकपाको नेपाल बन्दको प्रभाव नवलपुरमा पूर्ण रुपमा परेको छ ।

आफ्ना नेता तथा कार्यकर्ता पक्राउको विरोधमा नेकपाले गरेको बन्दको प्रभाव नपलपुरमा पूर्ण रुपमा परेको हो ।

बन्दका कारण सवारी साधन छिटफुट संचालनमा रहेको भएपनि सडकका ठाउँठाउँमा शंकास्पद वस्तु फेला परेपछि प्रहरीले नै सवारी साधनलाई ठाउँठाउँमा रोकेर राखेको छ । बन्दका कारण बजार सुनसान देखिएको छ ।

बन्दको पूर्वसन्ध्यामा बुधबार राति विप्लब नेतृत्व नेकपा जिल्ला सदस्य पुरुषेत्तम रेग्मी पक्राउ परेका छन् ।

मध्यविन्दु नगरपालिका ११ बाउन्नेकुनाबाट रेग्मीलाई पक्राउ गरिएको जिल्ला प्रहरी कार्यालय नवलपुरले जनाएको छ । रेग्मीलाई बन्दको पूर्वसन्ध्यामा नेकपाले गरेको राके जुलुसका क्रममा पक्राउ गरिएको जिल्ला प्रहरी कार्यालय नवलपुरका प्रहरी प्रमुख एंव प्रहरी उपरीक्षक रमेश थापाले जानकारी दिए ।

कावासोती १६ डण्डा पथ्तरखोला पुल नजिक रोकिराखेको भारतीय ट्रकमा आगजनी गरिएको छ । भारतको गुजरातबाट काठमाडौं जानका लागि आउँदै गरेको आर जे ०२ जीबी २८७० नम्बरको ट्रकमा अज्ञात समूहले आगजनी गरेको प्रहरीले जनाएको छ ।

क्याटेगोरी : समाचार
ट्याग : #ट्रकमा आगजनी