‘भाग्यले बाँचेकाहरू’ जस्तो वृत्तचित्र बनाएर संसारभर ख्याती कमाएका पत्रकार तथा फिल्म निर्देशक गणेश पाण्डेलाई नेपाल सरकारले प्रबल जनसेवा श्री चौथोबाट विभूषित गरेको छ ।

३ असोज, संविधान दिवसका दिन घोषणा गरेको उक्त पदक नयाँ बर्षका दिन आइतबार राष्ट्रपति विद्यादेवी भण्डारीबाट शीतलनिवासमा आयोजित कार्यक्रममा पाण्डेलाई विभूषित गरिएको हो ।

पाण्डेसहित विभिन्न क्षेत्रमा योगदान गरेका अन्यलाई पनि विभूषित गरिएको थियो ।

नेपाल सरकारको गौरब एवम् नेपाली जनताको हित अभिबृद्धिमा उल्लेखनीय योगदान गरेको भन्दै सरकारले विभूषित गरेको हो ।

प्रधानमन्त्री केपी शर्मा ओली र उपप्रधान तथा रक्षामन्त्री इश्वर पोखरेलले हस्ताक्षर रहेको विभूषणपत्रमा मानपदवीको गरिमा अक्षुण्ण राख्दै नेपाल र नेपालीको श्रीबृद्धिमा थप सफलता मिलोस भन्ने उल्लेख गरिएको छ ।

पाण्डेले १२ वैशाख, ०७२ को महाभूकम्पमा जोखिमले ज्यान बाँचेकाहरूको जीवनीलाई क्यामेरामा उतार्दै संसारभर नेपालको अवस्थाका बारेमा ‘भाग्यले बाँचेकाहरू’मार्फत चिनाएका थिए ।

क्याटेगोरी : समाचार
ट्याग : #पाण्डे विभूषित

---

---

---