काठमाडौं । प्रतिनिधि सभाको समानुपातिकतर्फ नेकपा (एमाले) ले ३ लाख मत कटाएको छ ।

निर्वाचन आयोगको पछिल्लो नतिजा अनुसार समानुपातिकतर्फ एमाले पहिलो स्थानमा छ । अहिलेसम्म एमालेले ३ लाख १७ हजार ९२२ मतका साथ अग्रता लिएको छ भने कांग्रेस २ लाख ९५ हजार ३४१ मतसहित दोस्रोमा छ ।

तेस्रो स्थानमा रहेको राष्ट्रिय स्वतन्त्र पार्टीले एक लाख ५९ हजार ६२० मत पाएको छ भने नेकपा (माओवादी केन्द्र) को एक लाख ४३ हजार ६०० मत छ ।

अहिलेसम्म माओवादीपछि राष्ट्रिय प्रजातन्त्र पार्टीले ८३ हजार ६६८ मतसहित पाँचौँ स्थानमा छ भने जनता समाजवादी पार्टी ३० हजार ९०९ मतसहित छैटौँ र नेपाल मजदुर किसान पार्टी २८ हजार ५४५ मतसहित सातौँ स्थानमा छ ।

सिके राउत नेतृत्वको जनमत पार्टी २३ हजार १ मतसहित आठौँ स्थानमा छ । नेकपा एसको अहिलेसम्म १८ हजार ३७५ मतसहित नवौँ स्थानमा छ । १०औ नम्बरमा रहेको नागरिक उन्मुक्ति पार्टीले १४ हजार ८६२ मतसहित प्राप्त गरेको छ ।

क्याटेगोरी : समाचार
ट्याग : #breaking, #काँग्रेस, #नेकपा ( माओवादी केन्द्र, #नेकपा एमाले, #राष्ट्रिय स्वतन्त्र पार्टीद्वारा स्वयमसेवक माग

---

---

---