प्रचण्डपत्नी सीताको स्वास्थ्य अवस्था गम्भीर

साझा पाना २०७९ कात्तिक २१ गते १७:३७ मा प्रकाशित

काठमाडौं। नेकपा माओवादी केन्द्रका अध्यक्ष एवम् पूर्व प्रधानमन्त्री पुष्पकमल दाहाल ‘प्रचण्ड’की पत्नी सीता दाहालको स्वास्थ्य अवस्था थप गम्भीर बनेको छ ।

स्वास्थ्यमा थप समस्या आएपछि उनलाई हाल ललितपुरस्थित मेडिसिटी अस्पतालमा राखेर उपचार गरिदैछ । पछिल्लो पटक उनलाई गत शनिबार अस्पताल भर्ना गरिएको हो ।

स्वास्थ्यमा धेरै नै खराबी देखिएपछि उनलाई अहिले अस्पतालले एनआईभी भेन्टिलेटरमा राखेर उपचार गरिरहेको जनाएको छ ।

सीता लामो समयदेखि जटिल प्रकारको रोग ‘प्रोग्रेसिभ सुपरान्युक्लियर पाल्सी–पीएसपी’ बाट पीडित छिन् । यो पूर्णरुपमा निको नहुने र रोकथाम मात्र गर्न सकिने प्रकृतिको रोग हो ।

सोही समस्याका कारण अस्पताल भर्ना भएकी दाहाललाई १६ दिनपछि गत सोमबारमात्र अस्पतालबाट घर लगिएको थियो । उतारचढाव ढंगबाट पुनः सोही समस्या बल्झिएपछि उनी गम्भीर बनेको बताइएको छ ।

क्याटेगोरी : समाचार
ट्याग : #प्रचण्डपत्नी सीताको स्वास्थ्य अवस्था गम्भीर, #सीता दाहाल