Techie IT
शनिबार, असार ३०,२०८१

जीप दुर्घटनामा घाइतेलाई हेलिकप्टरबाट कोहलपुर पठाइयो


सल्यान । जिल्लाको कुमाख गाउँपालिका ७ जिमालीमा जीप दुर्घटनामा घाइतेलाई हेलिकप्टरबाट कोहलपुर लगिएको छ ।

नेपाली सेनाको हेलिकप्टरबाट शनिबार बिहान घाइते  सुनिता बोहरा पुन मगर र उहाँको ६ महिनाको छोरीलाई थप उपचारका लागि हेलिकप्टरमार्फत कोहलपुर रिफर गरिएको जिल्ला प्रहरी कार्यालय सल्यानले जनाएको छ । सुनिताको अवस्था गम्भीर बन्दै गएपछि थप उपचारका लागि हेलिकप्टर मार्फत कोहलपुर रिफर गरिएको जिल्ला प्रहरी कार्यालय सल्यानका सूचना अधिकारी सन्तोष खनालले जानकारी दिनु भयो । उहाँको ६ महिनाको छोरीको अवस्था भने सामान्य रहेको छ ।

शनिबार बिहान कुमाख गाउँपालिका ७ डुमकोटबाट शारदा नगरपालिका ११ स्थित खैराबाङ मन्दिरमा आउँदै गरेको रा १ ज ७९८ नम्बरको जिप  कुमाख गाउँपालिका ७ जिमालीमा दुर्घटना भएको थियो । । दुर्घटनामा परी कुमाख गाउँपालिका ७ डुमकोट बस्ने अन्दाजी ३९ वर्षीय मान बहादुर पुन र अन्दाजी १४ वर्षीया एनका पुनको घटनास्थलमै मृत्यु भएको थियो ।

यस्तै अन्य १५ जना घाइतेलाई पनि नेपालगञ्ज रिफर गरिएको छ । जनप्रिय पोलिक्लिनिक र सहज पोलिक्लिकमा उपचार गराइ रहेको १५ जनाको प्राथमिक उपचार पछि थप उपचारका लागि नेपालगञ्ज रिफर गरिएको प्रहरीले जनाएको छ ।


क्याटेगोरी : समाचार
ट्याग : #जीप दुर्घटनामा


तपाईको कमेन्ट लेख्नुहोस्


Kathmandu
24°
Mostly Cloudy
5:16 am7:02 pm +0545