नदी संरक्षण मिशनमा टोखाका जनप्रतिनिधि ,दशैंपछि खोलाका अनाधिकृत संरचना भत्काइने

अधिकार सम्पन्न बागमती सभ्यता एकीकृत विकास समितिसंग रेखांकन गर्न माग

साझा पाना २०७९ असोज १३ गते १२:५५ मा प्रकाशित

काठमाडौं । टोखा नगरपालिकाले सुरु गरेको अनधिकृत संरचनामाथि डोजर चलाउने अभियान जारी छ । नगरपालिकाले अनधिकृत संरचना हटाउन भनेर ३५ दिने सूचना समेत निकालेको थियो तर सम्बन्धित घरधनीले अटेर गरेपछि डोजर लगेर भत्काउने तयारी टोखा नगरपालिकाको छ ।

शुरुमा नगरपालिका भित्र रहेको मनोहर खोला , महादेव खोला , बिष्णुमती खोला , साङ्गलेखोला करीडोरमा अनाधिकृतरुपमा बनेका घर टहरा हटाउने भएको छ । यसका लागी बुधकार टोखाका जनप्रतिनिधि अधिकार सम्पन्न बागमती सभ्यता एकीकृत विकास समितिका कार्यकारी अध्यक्ष उद्धव तिमिल्सिनासंग भेट गरेका छन ।

भेटमा सो नदीहरुको नापँ , सीमान्कंन , रेखाकंन , नाप जाचँ र नदी संरक्षणका लागी बागमती सभ्यता एकीकृत विकास समितिका तर्फबाट आबश्यक आर्थीक , प्राबिधिक सहयोगका लागी अनुरोध गरिएको बताइएको छ ।
भेटमा अधिकार सम्पन्न बागमती सभ्यता एकीकृत विकास समितिका अध्यक्ष उद्धब तिमिल्सिनाले टोखा नगरपालिकासंगको सहकार्यमा आफूहरुको दायीत्व अनुसार टोखाभित्रका नदीहरुको संरक्षण गर्न प्रतिबद्ध रहेको बताउनुहुँदै दशै लगतै नदी नापँ जाचँका लागी प्राबिधिक टोली पठाउने प्रबितद्धता ब्यक्त गर्नुभएको छ ।

बागमती सभ्यता एकीकृत विकास समितिका तर्फबाट हुनसक्ने आबश्यक बजेट लगायतका सहयोग हुने अध्यक्ष तिमिल्सिनाको भनाई छ ।

भेटघाट कार्यक्रममा टोखा नगरपालिका वडा नं ८ का वडा अध्यक्ष रमेश खत्री , वडा नं १० का वडा अध्यक्ष रामभक्त घिमिरे ,वडा नं ११ का वडा अध्यक्ष घनश्याम खड्का , वडा सदस्य महेश थपलिया लगायतको उपस्थीती रहेको थियो ।

टोखा बढ्दो शहरीकरण उन्मुख रहेको छ , जसका कारण खोला नदीसंगै सार्बजनीक जग्गा मिच्चेक्रम बढ्दो छ । तसर्थ सार्बजनीक नग्गा संरक्षण आजको मुख्य चुनौती रहेको छ ।