काठमाडौं । नेकपा (एमाले) को जनसंगठन नेपाल ट्रेड युनियन महासंघ (जिफण्ट) को आठौं राष्ट्रिय महाधिवेशन नयाँ नेतृत्व चयन गरी सम्पन्न भएको छ ।
महाधिवेशनबाट अध्यक्षमा विनोद श्रेष्ठ पुनः निर्वाचित हुनुभएको छ ।
राजधानीमा सोमबार  सम्पन्न महाधिवेशनले उहाँलाई अध्यक्षमा सर्वसम्मत रूपमा पुनः निर्वाचित गरेको हो । श्रेष्ठ नेकपा (एमाले) को केन्द्रीय सदस्य हुनुहुन्छ ।
महाधिवेशनले ५७ सदस्यीय राष्ट्रिय समितिका अधिकांश पदाधिकारी तथा सदस्यहरू सर्वसम्मत निर्वाचित गरेको छ ।
नयाँ कार्य समितिका सात उपाध्यक्षमा रमेश वडाल, विदुर कार्की, जितेन्द्र श्रेष्ठ, कमल गौतम, मञ्जु थापा, सीता लामा र जनक चौधरी हुनुहुन्छ ।
महासचिवमा लक्ष्मण शर्मा निर्वाचित हुनुभएको छ भने उपमहासचिवमा नरनाथ लुइँटेल र कमला तामाङ रहनुभएको छ । त्यस्तै, सात जना सचिवमा स्मृति लामा, महेन्द्रलाल श्रेष्ठ, कृष्णबहादुर केसी, हरि कार्की, बेलीमाया घले, विजया खड्का र तारानिधि पन्त निर्वाचित हुनुभएको छ ।

महाधिवेशनले जिफण्टका पूर्व अध्यक्ष विष्णु रिमाललाई संरक्षक चयन गरेको छ ।
नेकपा (एमाले) का अध्यक्ष केपी शर्मा ओलीले यही साउन ७ गते ललितपुरको गोदावरीमा महाधिवेशनको उद्घाटन गर्नुभएको थियो । महाधिवेशनको बन्द सत्रमा महासचिव शंकर पोखरेलले सम्बोधन गर्नुभएको थियो । उपमहासचिव तथा जिफण्टका पूर्व अध्यक्ष विष्णु रिमाल अध्यक्ष रहनुभएकोे अध्यक्ष मण्डलले महाधिवेशनको बन्दसत्रका सबै प्रक्रिया सम्पन्न गरेको थियो ।

थप समाचार

निर्मल निवासले भन्योः राजालाई नजरबन्द गरिएको छैन

बुद्ध जयन्ती मनाइँदै, आज सार्वजनिक बिदा

त्रीरत्न आवासीय विद्यालय, स्वयम्भूमा  एक दिवसीय निःशुल्क दन्त शिविर सम्पन्न

नूनको आपूर्ति व्यवस्थापन निजीकरण गर्ने सरकारी तयारीप्रति आपत्ति