हट एयर बेलुन पोखरामा सेप्टेम्बरदेखि पुनः सञ्चालनमा आउने

साझापाना २०७९ असार ३० गते १४:३८ मा प्रकाशित

पोखरा । कोरोना भाइरसका कारण रोकिएको हट एयर बेलुन पोखरामा सेप्टेम्बरदेखि पुनः सञ्चालनमा आउने भएको छ । लामो समय रोकिएको एड्भेन्चर ‘बलुन नेपाल प्रा.लि.’ले पुनः सञ्चालनमा ल्याउन लागेको हो ।

हट एयर बलुन पोखरामा सन् २०१८ नोभेम्बर १६ देखि हट एयर बलुनको उडान सुरु भएको थियो । फेवातालको माथिल्लो किनार पामेबाट उडान सुरु हुने हट एयर बेलुन फेवा किनारबाट तीन देखि चार हजार मिटर उचाइ लिँदै गर्दा सुन्दर पोखरा उपत्यका र आसपास छर्लङ्गै देखिन्छ । पर्यटकहरू यसैमा रमाउँथे ।

बलुनले उचाई लिँदै सराङकोट डाँडा नाघेपछि अन्नपूर्ण हिमशृङ्खलाको अदभूत दृश्य हेर्न पाइन्छ । हट एयर बेलुन बर्खाका तीन महिना असार, साउन र भदौ बाहेक सबै महिना सञ्चालन हुने गर्दछ । यो एड्भेन्चरका लागि नेपालीलाई प्रति व्यक्ति ८ हजार रुपैयाँ र विदेशीलाई प्रति व्यक्ति १ सय युएसडि (नेपाली १२ हजार ६ सय रुपैयाँ) लाग्ने कम्पनीले जनाएको छ ।

क्याटेगोरी : समाचार
ट्याग : #हट एयर बेलुन, #हट एयर बेलुन पोखरामा सेप्टेम्बरदेखि पुनः सञ्चालनमा आउने