बागमती प्रदेशको नीति तथा कार्यक्रममाथि आजदेखि छलफल हुँदै

साझापाना २०७९ जेठ १८ गते १२:४५ मा प्रकाशित

बागमती प्रदेश सरकारले आगामी आर्थिक वर्ष २०७९/०८० का लागि ल्याएको नीति तथा कार्यक्रम माथि आजदेखि छलफल शुरू हुने भएको छ ।

नीति तथा कार्यक्रम माथिको छलफलका लागि आज बुधबार दिउँसो २ बजेका लागि प्रदेशसभाको बैठक आह्वान गरिएको छ । उक्त बैठकमा सांसदहरूले दलगत रूपमा सरकारको नीति तथा कार्यक्रम माथि धारणा व्यक्त गर्ने कार्य सूची रहेको छ ।

गत जेठ १६ गते बसेको प्रदेशसभा बैठकमा सरकारको आगामी आर्थिक वर्षको नीति तथा कार्यक्रम सार्वजनिक गरिएको थियो । सरकारको तर्फबाट प्रदेश प्रमुख यादवचन्द्र शर्माले आगामी आर्थिक वर्षको नीति तथा कार्यक्रम सार्वजनिक गरेका थिए ।

क्याटेगोरी : समाचार
ट्याग : #बागमती प्रदेश सरकार