एमालेले मुलुकको आर्थिक अवस्थाबारे पत्रकार सम्मेलन गर्ने

साझा पाना २०७८ चैत्र २७ गते ११:२३ मा प्रकाशित

काठमाडौं। प्रमुख प्रतिपक्षी दल नेकपा एमालेले तीन जना पूर्वअर्थमन्त्री राखेर मुलुकको विग्रदो अर्थतन्त्रका विषयमा ब्रिफिङ गर्ने भएको छ।

आइतबार होटल हिमालयनमा १२ः३० मा पत्रकार सम्मेलन गरी पूर्वअर्थमन्त्री सुरेन्द्र पाण्डे, विष्णु पौडेल र युवराज खतिवडाले गभर्नर महाप्रसाद अधिकारी निलम्बन, अहिलेको अर्थतन्त्र र विश्व अर्थतन्त्रमा पारेको प्रभावका विषयमा व्याख्या गर्नेछन्।

एमाले प्रचार विभागका उपप्रमुख विष्णु रिजालका अनुसार पत्रकार सम्मेलनमा अहिलेको सत्ता गठबन्धन सरकारले अर्थतन्त्रमा असर गर्नेगरी गरेका निर्णयबारे पनि पूर्वअर्थमन्त्रीहरूले बताउनेछन्।

क्याटेगोरी : अर्थ, समाचार
ट्याग : #नेकपा एमाले