Techie IT
शुक्रबार, असार ८,२०८१

मन्त्री छान्न नसकेपछि माओवादी केन्द्रको स्थायी कमिटी बैठक स्थगित


काठमाडौं, १८ साउन । पार्टीभित्र आकांक्षी धेरै भएका कारण मन्त्री छान्न सकस झेलिरहेको नेकपा माओवादी केन्द्रको स्थायी कमिटी बैठक नै स्थगित भएको छ ।

आज सोमबार दिउँसो ३ बजे बस्न लागेको बैठक स्थगित भएको हो । पार्टी कार्यालय पेरिस डाँडामा बस्ने भनिएको उक्त बैठक तयारी नपुगेकाले स्थगित गरिएको कार्यालय सचिव श्रीराम ढकालले जानकारी दिएका छन् ।

विशेषत सोमबार बस्ने बैठकबाट सरकारमा सहभागी हुने मन्त्रीहरुको नामावली टुंङ्याउने भनिएको थियो, तर आन्तरिक कुरा नमिलेकाले बैठक स्थगित गरिएको बुझिएको छ ।

मन्त्री बन्ने आकांक्षी धेरै देखिएपछि आधिकारिक निर्णय गर्न पार्टी अध्यक्ष पुष्पकमल दाहाल ‘प्रचण्ड’लाई समस्या भइरहेको स्रोतको भनाइ छ । माओवादी केन्द्रले बढीमा सात मन्त्रालय पाउने सम्भावना छ । तर, जनार्दन शर्मा र पम्फा भुसालको नाम सिफारिस गर्दादेखि नै पार्टी भित्र विवाद उत्पन्न भएको थियो ।

सत्तारुढ गठबन्धनका दलहरुभित्र मन्त्री छान्ने विषयमा कुरा नमिल्दा गत असार २९ गते प्रधानमन्त्री नियुक्त भएका शेरबहादुर देउवाले अझै मन्त्रिपरिषद विस्तार गर्न सकेका छैनन् ।


क्याटेगोरी : समाचार
ट्याग : #माओवादी केन्द्र


तपाईको कमेन्ट लेख्नुहोस्


Kathmandu
26°
Fair
5:08 am7:02 pm +0545